Produktu eta ekoizleak

Mai-onan argi daukagu dendan ditugun produktuen ekoizleak ezagutu behar ditugula. Jatorria eta prozesua ezagutzen ditugunean kalitatearekiko zalantzarik ez dagoela sinisten dugu. Elikadura zirkuitua laburra denean sistema osoak zentzua berreskuratzen du.

Ekoizleak ezagutzera gerturatzen gara. Egiten dutenarekiko duten gogo eta pasioa, produktuen atzean dagoen lana, izerdia, euren arazo eta kezkak entzun… harreman mota hori lantzea gustuko dugu eta bada ere gure bezeroekiko konpromisoa. Produktuen nondik norakoak azaldu ahal izatea eta zuen erabakietan ahalik eta gehien laguntzea.